De custu argumentu non s'agatat istùdios meda, mancari siat s’espressione prus manna de s’arte de sa retroga in Sardigna e mancari tèngiat nùmenes famosos comente su poeta Pitanu Morette de Tresnuraghes.
Cun unu traballu de paritzos annos, Gianfranco Rosa analizat sas tècnicas ideadas e aplicadas dae sos poetas, imbatende a ispiegare sos mecanismos chi règulant unu gènere poèticu pagu connotu.
Custa òpera, ùnica in su gènere suo, ponet sos fundamentos pro àteros istùdios chi potzant dare risposta fintzas a su mistèriu de sas denominatziones de sos cumponimentos (trintasès, trintanoe, vintisès…) chi no agatant cunfirma in peruna de sas caraterìsticas de sos testos poèticos.
Su libru l'at publicadu S'Alvure de Aristanis in su 2003.
(GF.P.)