Nde publicamus unu "matemàticu" iscritu dae Nanni Murtas. Faeddat de unu pastore chi, cambiende ('spostando') su bestiàmene dae unu logu a s'àteru, atopat a un'àteru pastore e sos masones s'ammisturant a pare.
Dae in cue naschet s'indovinzu chi publicamus in fatu paris cun sa bortadura in italianu, gasi chie cheret podet provare a l'isòrvere.
(GF.P.)
Duos pastores, cambiande una die,
ca est dovere sa robba a cambiare,
ma fin' quasi po s'ammeschiare
ca in log'istrintu capitat gasie.
Narat unu: "Si nde das un'a mie
arbeghes nde portamus cant' e pare
inveze a doppiu ne has a portare
si unu pegus deo do a tie".
Senza b'haer imbrogliu perunu
no est difizzile a bi resessire
pro chie de sos contos no est digiunu.
Chie si cheret appena divertire,
cantas arbeghes portat dogniunu
a sos presentes fazet a ischire.
BORTADURA IN ITALIANU
Due pastori un giorno, nello spostare il bestiame
Due pastori un giorno, nello spostare il bestiame
(perchè spostare il bestiame è un dovere)
stavano quasi per confonderlo insieme
perchè nei luoghi stretti capita così.
Uno dice: "Se me ne dai una
avremo lo stesso numero di pecore
invece tu ne avrai il doppio
se io do una bestia a te.
Senza che ci sia alcun imbrogio
non è difficile riuscire [a indovinare]
per chi non è digiuno di conti.
Chi vuol divertirsi un pochino
quante pecore conduce ciascuno
faccia sapere ai presenti.